Psalms 146
Leemi Asu Ri Ne Moroa Luuntoo
1Leemi asu ri Leeme Silok! Labalak, una emi asu mi Leeme Silok! 2Anaba emi asu min at levenaleng axap, nenia ana rooro ren; la anabak pixan ti ne Moroa rak keneng at lorooro axap tarak.3Mi guta nuunu saga at lubung amgomgo mede at lavatbung menemen ti loklok tooro, atla kopmen teta mede xopok i epovo na lox asepmus nemi. 4Mo do dina met, dinabam long ti laxangka; la ap mo laaleng, leven doxoma ali atdi naba xap.
5Laradi naba ruuna xaka lomomo mo do neni na siam kaka ne Moroa at ne Jakop kusu rik lok tooro i, la neni i nuunu saga at Leeme Silok ne Moroa ren, 6atla neni laradi runtudum li at laxalibet mi lavatkangka la laras, la mo lempanga axap bok di nemen keneng at na lengkot axap. Neni ik lox epovo amisik leven kakaape ren. 7Ing tonga linga avukat at lava baava, la im taba luxa nedi dik toxo.
Leeme Silok ik lox asepmus luvuttadi xokoxo, 8la irak lox arepalas lengkatli atnedi ua dixo reven. Neni im tebeng aonon nedi ua diga subu; neni i vavara aleng tinotno nedi limixin mokmokso ren. 9Neni i reven aratao nedi limixin me xadiong ua di nemen keneng at lenep kangka atnedik; ik lok tooro lempat naa rixin eburu mi lubung karun, ketla ik lox asaxaek (tino) nedi luvuttadi loklok kakapmek.
10Leeme Silok neni Loorong Avolo. O leme Saion, ne Moroa atnimi nabat kis amgomgo lexen tinotno.
Leemi asu ri Leeme Silok!
Copyright information for
MMX